Ermənistan və Azərbaycan mayın 24-dən etibarən Tavuş rayonunun üç kəndi yaxınlığındakı sərhəd hissəsindən qoşunlarını çıxarır və təhlükəsizliyi sərhədçilərə həvalə edir. Bu barədə Ermənistan Milli Təhlükəsizlik Xidmətinin (MTX) bəyanatında deyilir.
Məlumatda bildirilir ki, Ermənistan Milli Təhlükəsizlik Xidmətinin Sərhəd Qoşunları Tavuş vilayətinin Berkaber (1,9 km), Voskepar və Bağanis (4,9 km) kəndləri yaxınlığında sərhəd mühafizəsini rəsmən öz üzərinə götürür. Dövlət sərhədinin Kirants kəndi yaxınlığındakı hissəsinin (5,8 km) 2024-cü il iyulun 24-dək mühafizəsi keçid sxemi üzrə həyata keçiriləcək. İrəvan bildirir ki, “eyni məntiqlə bu il mayın 24-dən etibarən Azərbaycan Respublikası dövlət sərhədinin əks hissələrinin mühafizəsi Azərbaycan Respublikası Dövlət Sərhəd Xidmətinin bölmələri tərəfindən həyata keçiriləcək”. (Tasd)