Almatıda keçirilən görüşdə Ermənistanın xarici işlər naziri Ararat Mirzoyan və onun azərbaycanlı həmkarı Ceyhun Bayramov sülh sazişinin açıq məsələləri üzrə danışıqları davam etdirmək barədə razılığa gəliblər. Bu barədə Ermənistan Xarici İşlər Nazirliyinin mətbuat xidməti məlumat yayıb.
Mesajda qeyd olunur ki, nazirlər sərhədlərin delimitasiyası sahəsində əldə olunan irəliləyişləri və bu istiqamətdə əldə olunan razılaşmaları da alqışlayıblar. “Nazirlər və onların nümayəndə heyətləri Ermənistan və Azərbaycan arasında sülhün və dövlətlərarası münasibətlərin qurulmasına dair ikitərəfli Saziş layihəsinin müddəalarını müzakirə etməyi davam etdiriblər. (Tass)