Ermənistan və Azərbaycanın xarici işlər nazirləri Ararat Mirzoyan və Ceyhun Bayramov Nyu-Yorkda danışıqlar zamanı sülh sazişinin mümkün qədər tez imzalanması üçün əlavə səylər göstərməyə razılaşıblar. Bu barədə Ermənistan Xarici İşlər Nazirliyinin mətbuat xidməti məlumat yayıb.
“Tərəflər “Sülhün və dövlətlərarası münasibətlərin bərqərar edilməsi haqqında” sazişin tezliklə bağlanması üçün əlavə səylər göstərməyə razılaşıblar”, – deyə məlumatda bildirilir.
Ermənistan və Azərbaycanın xarici işlər nazirləri görüşün təşkilinə görə ABŞ dövlət katibi Antoni Blinkenə təşəkkür ediblər. (Tass)