İranla Avropa arasında münasibətlər o zaman yaxşılaşacaq ki, Avropa ölkələri ABŞ-ın göstərişlərinə əməl etməyi dayandırsın. Bu fikri İslam Respublikası Xarici İşlər Nazirliyinin rəsmi nümayəndəsi Naser Kənani deyib.
“[İran və Avropa arasında] münasibətlərdəki soyuqluq birbaşa ABŞ-ın təzyiqinin və ya öz səhv hesablamalarının nəticəsidir. Əgər Avropa İrana qarşı müstəqil siyasət apararsa, biz mütləq münasibətlərin yaxşılaşacağını görəcəyik”, – Tasnim agentliyi ondan sitat gətirib. Kənani qeyd edib ki, Avropa İranın xarici siyasətinin prioritet sahələrindən biridir, lakin “münasibətlərdə mövcud imkanlara uyğun müsbət dinamika yoxdur”. (Tass)