ABŞ Mərkəzi Komandanlığının (CENTCOM) yüksək rütbəli rəsmiləri, eləcə də ABŞ Ordusu və Hərbi Dəniz Qüvvələrinin hərbi rəhbərləri İsrailin Qəzza zolağında səylərini əlaqələndirmək üçün Təl-Əvivdəki yeraltı bazadadırlar. Bu fikri İran Silahlı Qüvvələrinin ən mühüm komanda mərkəzinin – Xatəmül-Ənbiya mərkəzi bazasının rəhbəri, general-mayor Qulam-Əli Rəşid deyib.
“Bizdə olan məlumata görə, CENTCOM-un komandirləri, eləcə də Amerika ordusunun quru qoşunları və dəniz qüvvələri hazırda Tel-Əviv yaxınlığındakı yeraltı bazadadır. Onlar əməliyyat zamanı İsrail qüvvələrinin komandirlərinin hərəkətlərini əlaqələndirirlər”.
Onun sözlərinə görə, bu cür məlumatlar “bir daha sübut edir ki, ABŞ-ın hərəkətləri regionda münaqişənin yayılmasının məhdudlaşdırılması zərurəti ilə bağlı bəyanatlara uyğun gəlmir, xüsusən də işğalçılara (İsrail) tədarük etdikləri minlərlə bomba və raketlər nəzərə alınmaqla.
İsrail və Amerika tərəfləri iranlı general-mayorun fikrini şərh etməyiblər. (Tass)