İran, Çin və Rusiya martın sonunadək birgə dəniz təlimləri keçirəcək. Bu barədə İran Hərbi Dəniz Qüvvələrinin baş komandanı kontr-admiral Şəhram İrani məlumat verib.
“Biz digər ölkələri də martın sonuna qədər keçiriləcək İran, Çin və Rusiyanın hərbi dəniz təlimlərində iştirak etməyə dəvət edirik”, – deyə Tasnim agentliyi onun sözlərini sitat gətirib. Kontr-admiralın sözlərinə görə, bu təlimlər regionda təhlükəsizliyin təmin edilməsinin ümumi maraqları çərçivəsində keçirilir.
2023-cü ildə Rusiya, Çin və İranın “Dəniz təhlükəsizlik kəməri – 2023” üçtərəfli təlimləri martın 16-dan 17-dək Ərəbistan dənizində İranın Çahbehar limanı yaxınlığında keçirilib. Rusiya Hərbi Dəniz Qüvvələrinin Şimal Donanmasının mətbuat xidmətinin məlumatına görə, iştirakçılar hərbi gəmilərdən ibarət millətlərarası dəstənin formalaşdırılması, müxtəlif birləşmələrdə birgə taktiki manevrlər və döyüş əmrləri üzrə məşq ediblər. Bundan əlavə, gün ərzində dəniz hədəfinə artilleriya atəşi, gecələr isə hava hədəflərini artilleriya atəşi ilə vurub, həmçinin girovların olduğu gəminin azad edilməsi və dənizdə qəza vəziyyətində olan gəmiyə yardımın göstərilməsi üzrə təlim keçiblər. (Tass)