İran nüvə silahı yaratmaq niyyətində deyil və bərabər əsasda danışıqlara açıqdır, lakin uranın zənginləşdirilməsindən və nüvə yanacaq dövrünə malik olmaqdan heç vaxt imtina etməyəcək. Bunu İslam Respublikasının Ali Milli Təhlükəsizlik Şurasının katibi Əli Əkbər Əhmədian deyib.
“Qərb İranı dinc nüvə enerjisini inkişaf etdirmək hüququndan məhrum etməyə çalışır. İran İslam Respublikası hökmranlıq və tabeçiliyi rədd edir, lakin istənilən bərabər dialoqu alqışlayır. İran kütləvi qırğın silahlarından imtina etdiyini bəyan edərək, nüvə silahları sahəsində müstəqillik, yanacaq zənginləşdirilməsi, o cümlədən nüvə enerjisi sahəsinə sahib olmaq kimi qanuni hüquqlarından geri çəkilməyəcək”. Bu barədə Təhlükəsizlik Məsələləri üzrə Ali Nümayəndələrin XIII Beynəlxalq Toplantısında bildirib.
Əhmədyanın sözlərinə görə, Tehran Qərbin digər ölkələri özünə tabe etmək istəyini rədd edir. “Yeni təhlükəsizlik arxitekturası ədalət əsasında qurulmalıdır”, o qeyd edib. (Tass)