İranın elit hərbi qüvvəsi olan İslam İnqilabı Keşikçiləri Korpusu (SEPAH) keçən həftə Fars körfəzində başlayan dəniz manevrləri zamanı süni intellekt (AI) elementləri ilə hava-yer raketlərindən istifadə edib. Bu barədə “Frans Press” agentliyi məlumat yayıb.
AI Ghaem və Almas ilə yerli raketlərin buraxılışı şərti düşmən hədəflərinə qarşı təkmilləşdirilmiş Mohajer-6 və Ababil-5 dronlarından həyata keçirilib, agentlik SEPAH Hərbi Dəniz Qüvvələrinin komandiri Əlireza Tanqsiriyə istinadən xəbər verir. Davam edən manevrlər zamanı sahildə yerləşən İranın neft-kimya və neft müəssisələrinin və Buşəhr AES-in dənizdən qorunması əməliyyatları həyata keçirilir.
Tanqsirinin sözlərinə görə, İran süni intellekt texnologiyası ilə 1 min km-dən çox mənzilli qanadlı raketlər istehsal edir və artıq yerləşdirib.
Buşehr Atom Elektrik Stansiyası Rusiyanın köməyi ilə İranın cənubunda tikilir. 2011-ci ilin sentyabrında birinci enerji bloku şəbəkəyə qoşulub, 2014-cü ilin noyabrında isə AES-in ikinci mərhələsinin – ikinci və üçüncü enerji bloklarının tikintisinə dair müqavilə imzalanıb. Onların müvafiq olaraq 2025 və 2027-ci illərdə istifadəyə verilməsi planlaşdırılır. (Tass)