İranın vitse-prezidenti Seyid Məhəmməd Hüseyni İran universitetlərinin Fələstin tərəfdarı hərəkətlərinə görə Amerika və Avropa universitetlərindən qovulmuş tələbələrin qəbulu ilə bağlı təşəbbüsünü dəstəkləyib. O, bu barədə Kirmanda Şəhid Bahonar Universitetinin müəllimləri ilə görüşündə bildirib.
“Şübhəsiz ki, bu təşəbbüs ədalətin təşviqi və ifadə azadlığının pozulması ilə mübarizədə yaxşı tədbirdir ki, bu da İslam dünyasında və Qərbdə öz müsbət əksini tapacaq”, – ISNA onun sözlərini sitat gətirib.
Cümə axşamı İranın bir neçə universiteti, o cümlədən Şahid Beheşti Universiteti, Şiraz Universiteti və Kirmandakı Şəhid Bahonar Universiteti Fələstin tərəfdarı etirazlarda iştirak etdikləri üçün qovulmuş ABŞ və Avropadan tələbələri qəbul etməyə hazır olduqlarını açıqlayıblar. Şəhid Beheşti Universitetinin dekanı Seyid Mahmud Ağamirinin qeyd etdiyi kimi, tələbələr təqaüdlə təmin olunacaq, təhsil və yaşayış xərclərini isə İran tərəfi tam ödəyəcək. (Tass)
