İran hakimiyyəti hesab edir ki, Donald Trampın qələbəsindən sonra ABŞ-la nüvə proqramı üzrə yeni saziş bağlanarsa, daha güclü və uzunmüddətli olacaq. Bu barədə “The New York Times” (NYT) İran rəsmilərinə istinadən məlumat yayıb.
Onların fikrincə, Donald Trampın ABŞ seçkilərində qələbəsi ilə daha davamlı olacaq “ABŞ ilə uzunmüddətli saziş” bağlamaq imkanı yaranıb.
Mənbələrin qeyd etdiyi kimi, İran hakimiyyəti bir neçə aydır ki, Trampın mümkün ikinci müddətinə hazırlaşır və qeyri-rəsmi işçi qrupu yaradıb. Göstərilir ki, Vaşinqtonla əməkdaşlığa hazır olmasına baxmayaraq, çox şey Trampın kimi dövlət katibi təyin etməsindən asılı olacaq.
Bundan əvvəl İslam Respublikasının prezidenti Məsud Pezeşkian bildirib ki, İran nüvə silahı yaratmağa can atmır, əksinə, Birgə Hərtərəfli Fəaliyyət Planı (JCPOA) çərçivəsində üzərinə götürdüyü öhdəliklərin yerinə yetirilməsinə tam şəkildə qayıtmağa hazırdır. (Tass)