İran hökuməti general Qasım Süleymaninin dəfn olunduğu Kirman şəhərində qəbiristanlıq yaxınlığında baş vermiş iki partlayışda həlak olanlar üçün yanvarın 4-ü ölkə daxilində matəm günü elan edib.
Bu barədə İRNA agentliyi məlumat yayıb.
Son məlumatlara görə, partlayışlar nəticəsində azı 103 nəfər ölüb, 188 nəfər yaralanıb.
Kermanda Süleymaninin dəfn olunduğu qəbiristanlığa gedən yolda iki partlayış baş verib. Orada həlak olan generalın xatirəsinə təntənəli mərasim keçirilib. (Tass)