İran son bir neçə gündə regionda genişmiqyaslı müharibənin qarşısını almaq üçün əhəmiyyətli səylər göstərir, lakin öz vətəndaşlarının və milli maraqlarının qorunmasında heç bir güzəştə getməyəcək. Bunu İslam Respublikasının xarici işlər naziri Abbas Əraqçi deyib.
“Birləşmiş Ştatlar İsrailə rekord miqdarda silah tədarük edib. İndi onlar Amerikanın raket sistemlərinə nəzarət etmək üçün öz əsgərlərini İsrailə göndərməklə onların həyatını riskə atmağa hazırlaşırlar. Biz (İran – TASS qeydi) son günlər çox böyük səylər göstərmişik. Bölgəmizdə genişmiqyaslı müharibənin qarşısını almaq üçün mən açıq şəkildə deyirəm ki, xalqımızı və maraqlarımızı qorumaqdan söhbət gedirsə, bizim heç bir qırmızı xəttimiz yoxdur”, – o, X sosial şəbəkəsindəki səhifəsində yazıb.
İran prezidenti Məsud Pezeşkian bundan əvvəl İsraili Yaxın Şərqdə döyüşləri dayandırmağa çağırıb. O, İsrail tərəfinin “bütün mümkün beynəlxalq razılaşmaları” pozduğunu vurğulayıb. (Tass)