İran prezidenti İbrahim Rəisi Ərəb Dövlətləri Liqası (LAS) və İslam Əməkdaşlıq Təşkilatının (İƏT) Qəzza zolağındakı vəziyyətə həsr olunmuş fövqəladə birgə sammitində iştirak etmək üçün Ər-Riyada səfər edib. Rəisinin Kral Xalid Beynəlxalq Hava Limanına gəlişinin görüntüləri Səudiyyə Ərəbistanının Əl-Ekhbariya telekanalında canlı yayımlanıb.
Bu, 2023-cü ilin martında ölkələr arasında diplomatik münasibətlərin bərpasından sonra İran prezidentinin Səudiyyə Ərəbistanına ilk səfəridir. Rəisi krallığa getməzdən əvvəl deyib ki, İslam dünyası ölkələri Fələstin anklavında döyüşləri dayandırmaq üçün İsrailə qarşı tədbirlər görməlidir.
Ər-Riyad və Tehran arasında münasibətlər 2015-ci ilin martında Səudiyyə Ərəbistanının başçılıq etdiyi koalisiyanın Yəməndə Ənsar Allah hərəkatına (husilərə) qarşı hərbi əməliyyata başlaması ilə pisləşdi. 2016-cı ilin yanvarında Səudiyyə Ərəbistanının Tehrandakı səfirliyinə və onun Məşhəddəki konsulluğuna şiə ruhanisi Şeyx Nimr ən-Nimrin Ər-Riyadda edam edilməsindən qəzəblənən nümayişçilərin izdihamından sonra krallıq İranla diplomatik əlaqələri kəsib. (Tass)
