İran prezidenti İbrahim Rəisi noyabrın 7-də Düşənbəyə iki günlük səfər edəcək, Tacikistan prezidenti Emoməli Rəhmonla danışıqlar planlaşdırılır. Bu barədə TASS-ın müxbirinə Tacikistan liderinin mətbuat xidmətinin rəhbəri Abdufəttoh Şərifzoda bildirib.
“İran prezidenti noyabrın 7-8-də Tacikistana rəsmi səfər edəcək. Səfər çərçivəsində Tacikistan prezidenti ilə ikitərəfli görüş və tərəflərin geniş tərkibdə görüşü nəzərdə tutulub”, – mənbə bildirib.
Daha əvvəl Tacikistanın İnvestisiya və Dövlət Əmlakının İdarə Edilməsi Komitəsi məlumat vermişdi ki, noyabrın 8-9-da Düşənbədə iki ölkə sahibkarlarının forumunun keçirilməsi planlaşdırılır.
Ötən ilin oktyabrında Rəhmon və Tacikistan Müdafiə Nazirliyinin rəhbəri Şerali Mirzo Düşənbədə İranın müdafiə naziri Məhəmməd Rza Aştiani ilə təhlükəsizlik məsələlərini müzakirə ediblər. (Tass)
