İran prezidenti İbrahim Rəisi Ermənistan baş nazirinin müavini Mher Qriqoryanla görüşündə regionda Transqafqaz ərazisinə daxil olmayan dövlətlərin qüvvələrinin olmasına qarşı çıxıb.
“Biz problemlərin həllinə kömək etmək bəhanəsi ilə bölgədə [Zaqafqaziyada] əcnəbilərin olması ilə razılaşmırıq və inanırıq ki, onların mövcudluğu nəinki problemlərin öhdəsindən gəlməyə kömək etməyəcək, əksinə, daha böyük prablemə çevriləcək” mətbuat xidməti Rəisinin sözlərindən sitat gətirib.
İran prezidenti həmçinin “Ermənistan və Azərbaycan arasında sülh danışıqlarını dəstəklədiyini” və İslam Respublikasının “Qafqaz regionunun strateji təhlükəsizliyini təmin etməyə” hazır olduğunu bildirib. Rəisinin mətbuat xidmətinin məlumatına görə, bu görüşdə Qriqoryan “İrana Ermənistanın müstəqilliyi, suverenliyi və ərazi bütövlüyünü dəstəklədiyinə görə təşəkkür edib”. İran prezidenti “Tehranla İrəvan arasında bağlanmış bütün razılaşmaların həyata keçirilməsini” dəstəkləyib.
Səhər saatlarında Ermənistan baş nazirinin müavini Mher Qriqoryan və İranın vitse-prezidenti Davud Manzoor hökumətlərarası birgə komissiyanın iclasında 19 sahə üzrə iqtisadi əməkdaşlıq haqqında saziş imzalayıblar. İRNA- nın məlumatına görə , Tehranda hökumətlərarası komissiyanın işi zamanı ticarət, gömrük, qida, tibb, informasiya və investisiya əməkdaşlığının inkişafı üzrə danışıqlar aparılıb. İran və Ermənistan rəsmiləri sərhədyanı ticarətin artımını və beynəlxalq nəqliyyat dəhlizlərinin inkişafı üçün iki ölkənin quru sərhədindən istifadəni müzakirə ediblər. (Tass)