İran və Rusiya arasında hərbi-texniki əməkdaşlıq davam edir və buna heç bir maneə yoxdur. Bunu İranın ruhani lideri Ayətullah Əli Xamneyinin müşaviri, İranın Beynəlxalq Əlaqələr üzrə Strateji Şurasının rəhbəri Kamal Xarazi Financial Times qəzetinə müsahibəsində deyib .
“İran və Rusiya arasında silah müqavilələri bağlamaq üçün heç bir maneə yoxdur”, – Xarazi deyib. Onun sözlərinə görə, Tehran artıq Rusiya qırıcılarının alınması ilə bağlı danışıqlar aparıb. “Və yaxın gələcəkdə biz onlarla (Rusiya) strateji hərtərəfli saziş imzalamalıyıq”, – müşavir əlavə edib.
Xarazi həmçinin İrana qarşı dronların Rusiyaya satışı ilə bağlı əlavə ittihamları rədd edərək, bunların yalan olduğunu vurğulayıb.
İyunun 27-də Rusiyanın İran İslam Respublikasındakı səfiri Aleksey Dedov elan edib ki, Rusiya ilə İran arasında hərtərəfli əməkdaşlıq sazişi üzərində iş tamamlanmaq üzrədir və onun imzalanması prezident seçkilərindən sonra İranın yeni hökuməti dövründə baş tutacaq. (Tass)