İran Rusiya ilə birbaşa uçuşların sayının artırılmasını zəruri hesab edir. Bunu İranın Rusiya Federasiyasındakı səfiri Kazem Cəlali “Rusiya – İslam dünyası: KazanForum” forumu çərçivəsində keçirilən mətbuat konfransında deyib.
Diplomat Rusiya və İranın turist qrupları üçün vizaları ləğv etməsinin vacibliyini qeyd edib. Onun sözlərinə görə, İran vətəndaşları son iki ildə Rusiyaya səfərlərin sayına görə çinlilərdən sonra ikinci yerdədir. Bununla belə, diplomatın qeyd etdiyi kimi, “birbaşa uçuşlar çox məhduddur”. “Tehranla Moskva arasında, həmçinin çox nadir hallarda Tehranla Sankt-Peterburq arasında uçuşlar var”, – deyə Cəlali qeyd edib.
Səfir qeyd edib ki, iranlılar üçün Kazan, Rəşt ,Təbriz və Həştərxan, eləcə də Rusiyanın bir sıra digər şəhərləri üçün çox potensiallı bir yerdir. (Tass)