İranın Ali Milli Təhlükəsizlik Şurasının bəyanatına görə, ölkədəki geniş yayılmış iğtişaşlara görə İsrail və ABŞ məsuliyyət daşıyır.
İslam Respublikasının dövlət televiziya və radio şirkəti bəyanatdan sitat gətirir: “Son günlərin iğtişaşları iqtisadi qeyri-sabitliyə qarşı etirazlarla başlasa da, sionist düşmən (İsraili nəzərdə tutur ) onları ölkədəki vəziyyəti qeyri-sabitləşdirməyə yönəldib. ABŞ Prezidenti Donald Trampın son açıqlamaları yalnız iki rejimin İran xalqının təməllərini sarsıtmaq istəyən əlbirliyini təsdiqləyir. İran xalqı artıq 12 günlük müharibədə [İsrail ilə] birliyini nümayiş etdirib və düşməni strateji məğlubiyyətini etiraf etməyə məcbur edib. Bu gün də eyni birliklə onların bütün dağıdıcı planlarını puça çıxaracağıq”. (Tass)