Almaniyanın Tehrandakı müvəqqəti işlər vəkili Almaniya hakimiyyətinin bu ölkədəki İslam Respublikasının baş konsulluqlarını bağlamaq qərarı ilə əlaqədar İran Xarici İşlər Nazirliyinə çağırılıb. Bu barədə Əl-Aləm telekanalı məlumat yayıb.
Onun sözlərinə görə, vəkilə Berlinin “İran və Almaniya vətəndaşlarını konsulluq xidmətlərini almaq imkanından məhrum edən” hərəkətlərinə etiraz edilib.
Bundan əvvəl DPA agentliyi Almaniya Xarici İşlər Nazirliyinə istinadən xəbər vermişdi ki, Almaniya hökuməti İranın ölkədəki bütün baş konsulluqlarının bağlanması barədə qərar qəbul edib. Agentliyin məlumatına görə, söhbət Frankfurt-Mayndə, Hamburqda və Münhendəki diplomatik nümayəndəliklərdən gedir. İslam Respublikasının Berlindəki səfirliyi fəaliyyətini davam etdirəcək. DPA-nın məlumatına görə, Almaniya hakimiyyətinin bu addımı İran və Almaniya vətəndaşlığı olan Cəmşid Şarmaxdın İranda edam edilməsinə reaksiyadır. (Tass)
