BMT Təhlükəsizlik Şurası müharibənin və “Qəzza zolağında və Livanda qan tökülməsinin” davam etməsi üçün hərəkətə keçməli və sanksiyalar tətbiq etməlidir. Bunu İranın xarici işlər naziri Abbas Əraqçi Tehranda diplomatik nümayəndəliklərin rəhbərləri ilə görüşündə deyib.
“BMT Təhlükəsizlik Şurası Qəzzada, Livanda müharibəni və qan tökülməsini davam etdirmək istəyinə görə bu rejimə qarşı (İsrail ) tədbir görməyə və BMT Nizamnaməsinin 7-ci maddəsinə uyğun olaraq ona qarşı sərt sanksiyalar tətbiq etməyə borcludur”, – deyə Tasnim agentliyi Əraqçiyə istinadən xəbər verir. İran XİN rəhbərinin qeyd etdiyi kimi, İsrailin Yaxın Şərqdə “hərbi avantüralarını” davam etdirməsi təkcə regionda deyil, bütün dünyada təhlükəsizliyə təhdid yaradır.
Bundan əvvəl İran Xarici İşlər Nazirliyinin sözçüsü İsmail Bəqayi mətbuat konfransı zamanı bildirib ki, İran Türkiyə ilə birlikdə İsrailə silah embarqosu tətbiq etmək üçün bəzi ölkələrlə danışıqları davam etdirir. (Tass)