Beyrutda İslam İnqilabı Keşikçiləri Korpusunun (İİKK, İran Silahlı Qüvvələrinin elit bölmələri) komandir müavini general-mayor Abbas Nilforuşanın öldürülməsinə görə İsrail cavab verəcək. Bunu İranın xarici işlər naziri Abbas Əraqçi deyib.
“Təcavüzkar sionist rejimin (İsraili nəzərdə tutur – TASS qeydi) bu dəhşətli cinayəti heç vaxt cavabsız qalmayacaq”, – deyə Əraqçi SEPAH-ın başçısı general-leytenant Hüseyn Səlamiyə başsağlığı məktubunda yazıb.
“XİN cinayətkarları və onların tərəfdarlarını məsuliyyətə cəlb etmək üçün bütün siyasi, diplomatik, hüquqi və beynəlxalq imkanlardan istifadə edəcək”, – deyə Əraqçi əlavə edib. (Tass)