İranda prezident seçkilərində səsvermə üçün məntəqələr yerli vaxtla saat 08:00-da ( Bakı vaxtı ilə 08:30) ölkə üzrə açılıb.
İslam Respublikasının seçki qərargahının nümayəndəsi Möhsün Eslaminin sözlərinə görə, seçki məntəqələrinin bağlanması saat 18:00-a ( Bakı vaxtı ilə 18:30) nəzərdə tutulub, lakin ehtiyac yaranarsa, onların işini uzatmaq mümkündür. İslam Respublikası Daxili İşlər Nazirliyinin rəhbəri Əhməd Vahidinin sözlərinə görə, bu seçkilərdə təhlükəsizlik məsələsinə böyük önəm verilir. Bununla bağlı seçki məntəqələrində asayiş 180 minə yaxın hüquq-mühafizə orqanı əməkdaşı tərəfindən təmin ediləcək. (Tass)