İrandan zənginləşdirilmiş uranın üçüncü ölkələrə ixracı məsələsi Tehranın nüvə proqramı ətrafında yaranmış böhranın həlli üçün ABŞ-la aparılan danışıqlarda müzakirə olunmayıb. Bu barədə “Tasnim” agentliyi mənbəyə istinadən məlumat yayıb.
Onun sözlərinə görə, Amerika tərəfi nə danışıqların üçüncü raundunda, nə də əvvəlkilər zamanı bu məsələni qaldırmayıb. ABŞ İranın nüvə enerjisinin dinc məqsədlərlə inkişafı proqramı çərçivəsində uranın zənginləşdirilməsi prosesini sıfıra endirməkdə israrlı olmayıb. (Tass )