İranın Ali Milli Təhlükəsizlik Şurasının katibi Əli Əkbər Əhmədiyan təhlükəsizlik məsələləri üzrə beynəlxalq toplantıda iştirak etmək üçün Sankt-Peterburqa gəlib və Rusiya Təhlükəsizlik Şurasının katibi Nikolay Patruşevlə danışıqlar aparacağını gözləyir. Bu barədə İranın Moskvadakı səfirliyinin Telegram-kanalında deyilir.
“İranın Ali Milli Təhlükəsizlik Şurasının katibi beynəlxalq təhlükəsizlik iclasında və BRİKS ölkələrinin milli təhlükəsizlik şuraları katiblərinin iclasında iştirak etmək üçün bu gün günorta saatlarında Sankt-Peterburqun Pulkovo hava limanına gəlib”, – deyə diplomatik missiya qeyd edib. Tədbirlər çərçivəsində Əhmədiyan Rusiya, Braziliya, Cənubi Afrika, Çin, Hindistan və İraqdan olan həmkarları ilə ikitərəfli görüşlər və danışıqlar aparacaq”.
Ali Nümayəndələrin XII Beynəlxalq Toplantısı aprelin 23-25-də Sankt-Peterburqda keçirilir. Onun işində Təhlükəsizlik Şuralarının katibləri, milli təhlükəsizlik müşavirləri, baş nazirin müavinləri, təhlükəsizlik və kəşfiyyat xidmətlərinin rəhbərləri, beynəlxalq təşkilatların nümayəndələri iştirak edirlər. (Tass)