İranın BMT-dəki Daimi Nümayəndəliyi: “(İranın İsrailə hücumu) Bu məsələ indi yekunlaşmış hesab olunur. İsrail növbəti dəfə səhv etsə, İranın cavabı daha sərt olacaq”.
İranın BMT-dəki Daimi Nümayəndəliyi X hesabında verdiyi açıqlamada İranın İsrailə hava hücumunu dəyərləndirib.
Bəyanatda İranın BMT Nizamnaməsinin 51-ci maddəsinə uyğun olaraq özünümüdafiə hüququnu həyata keçirdiyinə diqqət çəkilərək, İranın hərbi cavabının “sionist rejimin Dəməşqdəki diplomatik nümayəndəliyinə qarşı təcavüzünə cavab olaraq” olduğu bildirilib.
Açıqlamada, “Bu məsələ artıq bitmiş hesab olunur. Əgər İsrail bir daha səhv edərsə, İranın cavabı daha sərt olacaq” ifadəsi işlədilib.
Bəyanatda münaqişənin İran və İsrail arasında olduğu vurğulanıb və əlavə edilib ki, “ABŞ bundan uzaq durmalıdır”. (TRT Haber)