Fələstinin HƏMAS radikal hərəkatı ilə İsrail arasında silahlı münaqişə “xeyirlə şər arasında müharibə”dir. Bu fikri İran İslam Respublikasının rəhbəri və ruhani lideri Əli Xamenei deyib.
“Bu, Qəzza ilə İsrail arasında deyil, yaxşı ilə şər arasında, imanla təkəbbür arasında müharibədir. Təbii ki, təkəbbür bu müharibədə hərbi gücdən, bombardmandan və cinayətdən istifadə edəcək, amma ehtiyatlı olun, çünki qüdrət Allahın köməyi ilə iman qüruru məğlub edəcək.Son qələbə Fələstin xalqının olacaq və çox yaxında”, – IRNA agentliyi onun sözlərini sitat gətirir.
Xamneyi Qərb ölkələrində Fələstinə dəstək nümayişlərinin İran kəşfiyyat xidmətləri tərəfindən təşkil olunduğuna dair ittihamları da rədd edib. “Dünyada baş verənlərə baxın: insanlar necə küçələrə çıxıb ABŞ və İsraili tənqid edən şüarlar səsləndirirlər. Bu onu göstərir ki, bu iki ölkənin reputasiyası getdikcə pisləşir, onların hərəkətlərinə heç bir bəraət qazandırmaq mümkün deyil. (Tass)
