İranın vitse-prezidenti Məhəmməd Cavad Zərif regionda sabitliyin yaradılması və regional oyunçular arasında əməkdaşlığın gücləndirilməsi üçün Yaxın Şərqdə Müsəlman Qərbi Asiya Dialoq Assosiasiyası (MWADA) adlı yeni strukturun yaradılmasını təklif edib.
“Təcrübəm mənə öyrətdi ki, Yaxın Şərqdə, xüsusən də Fars körfəzində sabitliyə nail olmaq böhranın idarə olunmasından daha çox şey tələb edir. Regionda transformasiya mexanizmi kimi mən Müsəlman Qərbi Asiya Dialoq Assosiasiyasının yaradılmasını təklif edirəm. ” İranlı siyasətçinin fikrincə, yeni təşəbbüs Yaxın Şərqdəki bütün müsəlman ölkələri – Bəhreyn, Misir, İran, İraq, İordaniya, Küveyt, Livan, Oman, Qətər, Səudiyyə Ərəbistanı, Suriya, Türkiyə, BƏƏ və Yəməndə birləşdirilməlidir.
MWADA-nın əsas prioritetləri, İranın vitse-prezidentinin qeyd etdiyi kimi, Qəzza zolağı, Livan, Suriya, Yəməndəki bütün cari böhranların həlli və qeyri-regional oyunçuların kənar müdaxilələrinə qarşı mübarizə olmalıdır. “MWADA nəqliyyatdan tutmuş enerji boru kəmərlərinə və telekommunikasiya şəbəkələrinə qədər infrastruktur layihələri üçün münbit zəmin təmin edəcək. Bu struktur həmçinin mədəni mübadilələrə, suyun idarə edilməsində əməkdaşlığa, terrorizmə qarşı mübarizəyə və [ahəngdar] birgə yaşayışın təşviqi üçün media kampaniyalarına üstünlük verəcək. Zərif vurğulayıb. (Tass)