İranın xarici işlər naziri Hüseyn Əmir Abdullahian Türkiyə prezidenti Rəcəb Tayyib Ərdoğanla Ankarada keçirdiyi görüşdə Qəzza zolağındakı vəziyyətlə bağlı ərəb və müsəlman ölkələri başçılarının görüşünün çağırılmasının vacibliyini vurğulayıb.
Bu barədə İran Xarici İşlər Nazirliyinin Telegram kanalında dərc olunmuş bəyanatında deyilir.
Nazirin sözlərinə görə, “Müsəlman ölkələri [Qəzzaya qarşı] törədilmiş hərbi cinayətlərə son qoymaq, anklavdan blokadanın götürülməsinə və humanitar yardımların çatdırılmasına nail olmaq üçün təcili və təsirli tədbirlər görməlidirlər, bununla əlaqədar olaraq “İran İslam Respublikası müsəlman və ərəb ölkələri başçılarının təcili görüşünün zəruriliyini vurğulayır. (Tass)
