İranın xarici işlər naziri Hüseyn Əmir Abdullahiyan Dohaya işgüzar səfəri çərçivəsində Qətərin hökumət başçısı, xarici işlər naziri Şeyx Məhəmməd bin Əbdül Rəhman Əl Tani ilə danışıqlar aparıb.
Qətərin QNA agentliyinin verdiyi məlumata görə , tərəflər Fələstin-İsrail münaqişəsi zonasındakı vəziyyəti müzakirə edərək, “dərhal atəşkəs, mülki şəxslərin müdafiəsi və məhbusların azad edilməsi” zərurətinə işarə ediblər. Danışıqlar zamanı, agentlik qeyd edir ki, Qətərin baş naziri münaqişənin region üçün təhlükə yaratdığını və onun İsrail və Fələstin sərhədlərindən kənara yayılacağı təqdirdə “ağır nəticələrə” səbəb olacağını bildirib.
İran Xarici İşlər Nazirliyinin bəyanatına görə, Abdollahian İsrail hakimiyyətini Qəzza zolağında hərbi cinayətlər törətməkdə günahlandırıb, həmçinin su və elektrik təchizatını bərpa etməklə anklavdakı blokadanın aradan qaldırılmasını istəyib. Əgər sionist rejimin Fələstin xalqına qarşı cinayətləri davam edərsə, regionda vəziyyətin əvvəlki kimi qalacağına heç kim zəmanət verə bilməz.
Doha İran diplomatiyasının rəhbərinin regional səfərinin dördüncü nöqtəsi olub, o, əvvəllər Bağdad, Beyrut və Dəməşqə səfər edib. Xüsusilə Beyrutda İsrailin bölgədəki əsas rəqiblərindən olan şiə Hizbullah partiyasının lideri Şeyx Həsən Nəsrullahla görüşüb. (Tass)