İranın xarici işlər naziri Abbas Əraqçi Suriyanın şimal bölgələrində “Cəbhət ən-Nusra” ekstremist qruplaşmasının yaraqlılarının fəallaşmasına görə ABŞ və İsraili günahlandırıb. Bu barədə İslam Respublikası Xarici İşlər Nazirliyinin teleqram-kanalında dərc olunan məlumatda deyilir.
Mətnə görə, Livan Xarici İşlər Nazirliyinin rəhbəri vəzifəsini icra edən Abdullah Bu Həbib Əraqçi ilə telefon danışığı zamanı “Suriyada terrorçu qrupların son vaxtlar aktivləşməsini [Yaxın Şərq] regionunda sabitliyi pozmaq üçün Amerika-İsrail planı adlandırıb”.
Bundan əvvəl Suriya Silahlı Qüvvələrinin komandanlığı bəyanat yayaraq, “Cəbhət ən-Nusra” qruplaşmasının yaraqlılarının Ərəb Respublikasının şimalında “geniş cəbhədə genişmiqyaslı hücum” həyata keçirdiyini bildirib. Açıqlamaya görə, terrorçular “Suriya ordusunun və hərbi obyektlərinin himayəsində olan kənd və qəsəbələrə” hücum etməyə cəhd ediblər və hücumları dəf edən hökumət qüvvələrinin mövqelərinə hücumları davam etdirirlər. (Tass)