İranın xarici işlər naziri Hüseyn Əmir Əbdullahian Yəməndən Qırmızı dənizdə ABŞ Hərbi Dəniz Qüvvələrinə məxsus esmines istiqamətində ABŞ hərbçiləri tərəfindən vurulan pilotsuz təyyarənin buraxılışında Tehranın iştirakını təkzib edib.
O, Amerikanın CBS telekanalına müsahibəsində deyib: “Yəmən öz qərarlarını verir və müstəqil hərəkət edir”.Abdollahian bir daha qeyd edib ki, İraq və Suriyada bu ölkələrdə “Amerikanın maraqlarına” hücum edən qruplar “öz qərarlarını verirlər”.
Noyabrın 15-də ABŞ Müdafiə Nazirliyinin mətbuat xidməti TASS-a bildirib ki, Amerika esminesi Tomas Hudner gəmi istiqamətində hərəkət edən Yəməndən buraxılan pilotsuz uçan aparatı vurub. Departamentdən aydınlıq gətiriblər ki, hadisə nəticəsində xəsarət alan olmayıb və gəmiyə heç bir ziyan dəyməyib. Bundan əvvəl Yəmənin üsyançı hərəkatı Ənsar Allah (husilər) Qırmızı dənizdə Amerika gəmilərinə hücumla hədələmişdi.
Noyabrın 8-də Ənsarullahın sözçüsü Yəhya Sariya bildirib ki, husilər ölkənin ərazi suları üzərində Amerikaya məxsus MQ-9 kəşfiyyat təyyarəsini vurublar. Bu məlumatı TASS-a ABŞ rəsmisi təsdiqləyib. (Tass)