“İraqın İslam Müqaviməti” şiə hərəkatı Ərbil beynəlxalq hava limanının (İraqın şimalındakı muxtar bölgəsi olan İraq Kürdüstanının inzibati mərkəzi) ərazisində yerləşən ABŞ hərbi bazasına hücum elan edib. Müvafiq mesaj hərəkatın Telegram kanalında yerləşdirilib.
Mətndə qeyd edildiyi kimi, pilotsuz təyyarə hücumu “[İsrailin] Qəzzada Fələstin xalqına qarşı törətdiyi qırğınlara” cavab və “İraq və regionda Amerika işğalçı qüvvələrinə qarşı mübarizə” səylərinin bir hissəsidir.
Hücumun nəticələri barədə məlumat verilmir.
Öz növbəsində, Reuters agentliyi mənbələrə istinadən xəbər verir ki, partlayıcılarla dolu pilotsuz təyyarə Ərbil hava limanı üzərində hava hücumundan müdafiə sistemləri tərəfindən səmada vurulub. Agentliyin mənbələrində hadisə nəticəsində dağıntılar və tələfatlar barədə məlumat yoxdur. (Tass)