İraq hakimiyyəti Suriyadakı böhranla bağlı bir sıra qərarlar qəbul edib, o cümlədən qonşu ölkədə baş verən hadisələrdə hərbi iştirak etməyəcək. Bunu İraq Nümayəndələr Şurasının (parlament) Təhlükəsizlik və Müdafiə Komitəsinin üzvü Yasir İskəndər deyib.
“İraq Federal Hökuməti üç strateji qərar qəbul edib: İraq hakimiyyəti Suriyanın işlərinə hərbi müdaxilə etməyəcək, Suriyaya heç bir İraq qüvvələrini göndərməyəcək və İraqdan kənarda heç bir hərbi tədbir görməyəcək” – İsgəndər qeyd edib. Bu barədə Baghdad Today xəbər portalı məlumat yayıb. (Tass)