İnnovasiya və Rəqəmsal İnkişaf Agentliyinin (İRİA) əsas missiyası rəqəmsal idarəetmə və innovasiya ekosistemi sahəsində Azərbaycanı regionda liderə çevirməkdir.
AZƏRTAC xəbər verir ki, bu barədə agentliyin sədri İnarə Vəliyeva bu gün Bakıda keçirilən İnnovasiya və Rəqəmsal İnkişaf Agentliyinin 2023-cü iI hesabatı və 2024-cü ilin hədəflərinə dair mətbuat konfransında deyib.
“Rəqəmsal idarəetmə və innovasiya ekosistemi sahəsində irəli getmək üçün insan kapitalının inkişafı çox önəmlidir. Prezident İlham Əliyev bunu inaqurasiya mərasimində çıxışında da xüsusi qeyd edib. Ölkə başçısı həm də kibertəhlükəsizlik və süni intellektin bu sahədə tətbiqini xüsusi vurğuladı”, – deyə İ.Vəliyeva əlavə edib.