Lakin təcrübədə çox rastlaşmışıq ki, işəgötürən özünün müəyyən dırnaqarası haqlı səbəblərindən işçi ilə əmək müqaviləsi bağlamaqdan imtina edir, onu əmək müqaviləsi olmadan işlədir. Bu hal qanunsuzdur və inzibati məsuliyyətə səbəb olması ilə bərabər həm də cinayət məsuliyyətinə səbəbdir. Əgər işəgötürən on vəya ondan artıq işçini əmək müqaviləsi bağlamadan işə cəlb edibsə, bu artıq cinayət məsuliyyəti yaradır. Bu halda o 7 min manatdan 10 min manata qədər cərimə oluna bilər və ya 2 ilədək islah işlərinə cəlb oluna bilər və ya iki lədək azadlığı məhdudlaşdırıla bilər və ya iki ilədək azadlıqdan məhrum edilə bilər. Cinayət təkrar törədilərsə, 3 ilədək azadlığı məhdudlaşdırıla bilər və yaxud 3 ildən 7 ilə qədər azadlıqdan məhrum edilə bilər.
İnzibati xətalar məcəlləsinin 192.1-ci maddəsində göstərir ki, əgər işəgötürən əmək müqaviləsi bağlamadan işçisi cəlb edərsə, bu zaman fərdi sahibkar, fiziki şəxs 1000 manatdan 2000 manata qədər, vəzifəli şəxslər 3 min manatdan 5 min manata qədər, hüquqi şəxslər 20 min manatdan 25 min manata qədər cərimə oluna bilər.
Hüquqşünas Sevinc Rəhimova