Hazırda azad edilmiş ərazilərdə məskunlaşmış hər hansı şəxs gedib peşə təhsil müəssisələrində təhsil aldıqda tətbiq ediləcək güzəştlər ona da şamil olunacaq.
AZƏRTAC xəbər verir ki, bunu Milli Məclisin Elm və təhsil komitəsinin fevralın 12-də keçirilən iclasında parlamentin Sosial qanunvericilik şöbəsinin müdiri Adil Vəliyev “Təhsil haqqında” və “Peşə təhsili haqqında” qanunlarında dəyişiklik edilməsi ilə bağlı layihənin müzakirəsi zamanı bildirib.
A.Vəliyev layihəyə təklif olunan güzəştin, sadəcə, məcburi köçkünlərə aid edilmədiyini diqqətə çatdırıb.
