İslam İnkişaf Bankının prezidenti cənab Məhəmməd Süleyman Əl-Casir ilə videokonfrans formatında keçirdiyimiz görüşdə “Azərbaycan Respublikasının İqtisadiyyat Nazirliyi və İslam İnkişaf Bankı arasında Azərbaycan üçün ölkə üzrə əməkdaşlıq çərçivəsinin hazırlanmasına dair Anlaşma Memorandumu”nu imzaladıq.
“APA-Economics” xəbər verir ki, bu barədə iqtisadiyyat nazir Mikayıl Cabbarov “X” sosial şəbəkəsində paylaşım edib.“Sənədin icrası tərəflər arasında əməkdaşlığın və ölkəmizin sosial-iqtisadi inkişaf hədəfləri istiqamətində birgə fəaliyyətin gücləndirilməsinə töhfə verəcək. Həmçinin görüşdə Azərbaycanın ev sahibliyi edəcəyi COP29 tədbirinin gündəliyində yer alan məsələlər ətrafında fikir mübadiləsi apardıq”, – deyə nazir əlavə edib.