ABŞ ordusu İranın hərbi qüdrətinə tab gətirə bilmir. Bu fikri İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) Aerokosmik Qüvvələrinin komandanı, general Əmir Əli Hacızadə deyib.
“Bu gün Amerika ordusu açıq şəkildə etiraf edir ki, o, İslam Respublikası ilə münaqişə axtarışında deyil, çünki İranın müdafiə qüdrətinə tab gətirə bilməyəcəyini anlayır”, – Mehr agentliyi onun sözlərini yazır. General həmçinin deyib ki, İran “hava hücumundan müdafiə, raketlər və pilotsuz uçuş aparatları sahəsində dünyanın aparıcı dövlətləri sırasındadır”, xüsusən də Hacızadənin sözlərinə görə, respublikanın silahlı qüvvələri “modifikasiya edilmiş raketlərdən istifadə etməklə hərəkət edən yerüstü hədəfləri vurmaq iqtidarındadır”.
Yanvarın 27-də Suriya-İordaniya sərhədindəki Əl-Tanf bölgəsində Qərb koalisiyasının hərbi bazasına pilotsuz təyyarənin hücumu nəticəsində 3 Amerika hərbçisi həlak olub, 40-ı yaralanıb. ABŞ və NATO hücumda Tehranın dəstəklədiyini iddia etdikləri silahlı şiə qruplarını günahlandırıb. Yanvarın 30-da ABŞ prezidenti Co Bayden bazaya hücuma cavab olaraq addımlar atmağa qərar verdiyini açıqlayıb. İran prezidenti İbrahim Rəisi ABŞ-ın ittihamlarına cavab olaraq Tehranı qorxutmaq cəhdlərinə sərt cavab vəd edib. (Tass)