İran prezidenti İbrahim Rəisinin Pakistana səfəri İslamabada edilən xarici təzyiqlərin onun Tehranla əməkdaşlığının inkişafına təsir etmədiyini göstərir. Bu fikri TASS-ın müxbirinə müsahibəsində İslamabad Strateji Araşdırmalar İnstitutunun (ISSI) nəzdində Əfqanıstan, Yaxın Şərq və Afrikanı Öyrənmə Mərkəzinin (CAMEA) direktoru Əminə Xan deyib.
“İran Pakistanın qonşusu olmaqla, onun regional siyasətində mühüm yer tutur”, – deyə ekspert qeyd edib: “Xarici təzyiqlərə baxmayaraq, Pakistan İran prezidentini üç günlük rəsmi səfərdə qəbul edir ki, bu da ikitərəfli əlaqələrin inkişafının sübutudur. 2021-ci ilin avqustunda Taliban hərəkatının Əfqanıstanda hakimiyyətə gəlişindən sonra nəzərəçarpacaq dərəcədə yaxşılaşmışdır.
Xan qeyd edib ki, İslamabad və Tehran bir sıra sahələrdə, xüsusilə də iqtisadiyyat və enerji sahələrində əməkdaşlıq edir. Polan-Qabd elektrik verilişi xətti və sərhəd barter ticarət zonaları fəaliyyət göstərir. İran-Pakistan qaz kəmərinin Pakistan hissəsinin tikintisinin perspektivləri araşdırılır.
Ekspert əlavə edib ki, hər iki ölkə Əfqanıstandakı vəziyyətə və İsrail-Fələstin münaqişəsinin gərginləşməsinə oxşar yanaşmaya sadiqdir. (Tass)