2025-ci ildə İspaniya diplomatiyası Ukrayna və Yaxın Şərqdəki münaqişələrə son qoymağa kömək etməlidir. Bunu krallığın xarici işlər naziri Xose Manuel Albares İspaniya səfirləri qarşısında keçirilən konfransda çıxışı zamanı deyib.
“2025-ci il sülh, demokratiya və ədalət üçün ən mühüm ildir”, – deyə XİN rəhbəri qeyd edib: “2025-ci ildə İspaniya diplomatiyası Ukrayna və Yaxın Şərqdə münaqişələrə son qoymağa kömək etməlidir ki, bu ədalətli sülh silahları və dağıntıları əvəz etsin.”
Albares hesab edir ki, 2025-ci il Ukraynanın gələcəyi üçün həlledici olacaq. Nazir əlavə edib: “Ukrayna ilə bağlı heç bir şey Ukraynasız həll edilməməlidir və ola bilməz və Avropanın təhlükəsizliyi ilə bağlı heç bir şey Avropasız həll edilə bilməz”. (Tass)
