İspaniyanın solçu Podemos (Biz Bacarırıq) partiyası krallığın NATO-dan çıxması ilə bağlı referendum keçirilməsini təklif edib. Bu barədə siyasi partiyanın sözçüsü Pablo Fernandes mətbuat konfransında bildirib.
O, ABŞ və İsrailin İrandakı hərbi əməliyyatına qarşı çıxdı. Fernandes qeyd edib ki, “Podemos İspaniya hökumətindən ölkəmizdəki ABŞ bazalarını bağlamağı, NATO-dan çıxmağı və ya heç olmasa İspaniya cəmiyyətinin qərar verə bilməsi üçün NATO-dan çıxmaqla bağlı referendum keçirməyi xahiş etməyə davam edir. Biz ordumuzun istənilən münaqişədə – ya kiməsə hücum etmək, ya da Aralıq dənizindəki NATO bazalarını müdafiə etməkdə – iştirakının qarşısını almalıyıq.”