İspaniyanın baş naziri Pedro Sançes münaqişənin dayandırılması ilə bağlı razılıq əldə olunarsa, Ukraynaya sülhməramlı qüvvələr kimi hərbçilərin göndərilməsinin mümkünlüyünü inkar etməyib.
“İspaniya həmişə müttəfiqlərimizin təhlükəsizliyini təmin etməyə sadiqdir” deyib. Madridin Ukraynaya sülhməramlı kimi hərbi personal göndərməyə hazır olub-olmaması ilə bağlı sualı cavablandıran Sançes qeyd edib: “Düşünürəm ki, dəqiq cavab vermək hələ tezdir”. “[Vladimir] Zelenski dedi ki, indi bizim sülhə gedən yolumuzun olub-olmadığını görməliyik”, – deyə Nazirlər Kabinetinin rəhbəri əlavə edib: “Və mən inanıram ki, 2025-ci il [münaqişənin həlli] ili ola bilər”.
Baş nazir krallığın hələ hərbi xərclərini ÜDM-in 2%-nə çatdırmamasına baxmayaraq, İspaniyanın NATO-nun “etibarlı tərəfdaşı” olduğunu da açıqlayıb.
2024-cü il dekabrın sonunda jurnalistlərin Aİ sülhməramlı qüvvələrinin Ukraynaya hipotetik yerləşdirilməsi ilə bağlı sualını cavablandıran Sançes deyib ki, Madrid öz ordusunu göndərməyi planlaşdırmır.