İsrail Hərbi Hava Qüvvələrinə məxsus pilotsuz uçuş aparatı (PUA) Livanın cənubunda şiə Hizbullah milislərinin avtomobilini vurub. Bu barədə Al Jadeed telekanalı məlumat yayıb.
Onun sözlərinə görə, hücum Tire yaxınlığındakı Əl-Buzuriya və Vadi Cilo yaşayış məntəqələri arasındakı avtomobil yolunda (Beyrutdan 80 km məsafədə) həyata keçirilib. Birbaşa raket zərbəsi nəticəsində avtomobil yanıb, bir əsgər şəhid olub, ikisi yaralanıb.
Pilotsuz təyyarənin zərbəsi Qərbi Qalileydəki Matat qəsəbəsinə və El Assi sərhəd bölgəsində mexanikləşdirilmiş patrula minaatan hücumundan sonra həyata keçirilib. Şiə birlikləri Telegram kanalında yaydıqları bəyanatda bu əməliyyatı “İsrailin Qəzza zolağında təcavüzünə qarşı çıxan Fələstin xalqına dəstək olaraq” həyata keçirdiklərini qeyd ediblər. (Tass)