İsrail Müdafiə Qüvvələrinin (IDF) mətbuat xidməti Livandan yəhudi dövlətinin şimalındakı Dov dağı ərazisinə tank əleyhinə raketin atılması nəticəsində bir əsgərin yaralandığını bildirib.
“Səhər saatlarında Livandan İsrailin şimalındakı Dov dağı ərazisinə tank əleyhinə raket atılıb. Nəticədə bir İDF əsgəri yaralanıb və müalicə olunmaq üçün xəstəxanaya təxliyə edilib. Buna cavab olaraq İDF əsgərləri atəşin açıldığı əraziyə, eləcə də Livanda əlavə ərazilərə zərbələr endiriblər”, – məlumatda deyilir. Bundan əlavə, “İsrail Hərbi Hava Qüvvələrinin qırıcısı Livanda bir sıra zərbələr endirib, bu zaman [şiə hərəkatı] Hizbullahın hərbi obyektinə hücum edilib”, – ordu departamenti əlavə edib.
Mətbuat xidməti qeyd edib ki, “Hizbullah”ın davam edən terror fəaliyyəti və İsrailə hücumları BMT Təhlükəsizlik Şurasının 1701 saylı qətnaməsini pozur. “İDF [İsrailin] sərhədlərini istənilən təhlükədən qorumağa davam edəcək”, – deyə ordu əlavə edib. (Tass)