Qəzza zolağının şimalında yan-yana düzülən onlarla yarıçılpaq, əlləri qandallı fələstinlinin görüntüləri dünyanın gündəmində idi. Həmin kadrda mülki şəxslərdən biri olan fələstinli Hakim yaşadıqlarından danışdı. İsrail qüvvələri tərəfindən bədəninə partlayıcı ilə doldurulmuş kəmər taxıldığını, başına kamera taxıldığını deyən Hakim HƏMAS-ın istifadə etdiyi ehtimal edilən tunelə salınıb.
Böyük Britaniyada nəşr olunan Middle East Eye (MEE) nəşrinin xəbərinə görə, soyadını açıqlamaq istəməyən 30 yaşlı Hakim adlı fələstinli İsrail qüvvələrinin əlaqəsini paylaşdığı mülki şəxslərdən biri olduğunu bildirib.
Hakim həmin anları belə təsvir edib: “Başımdakı kamera içəridə hansısa döyüşçü göstərsəydi, bədənimdən istifadə edərək tuneli partlatmağa hazır olardılar. Həmin an öldürüləcəyimə 100 faiz əmin idim, amma içəridə heç nə tapa bilməyəndə məni tuneldən çıxardılar”.
Hakim bildirib ki, o, azad edilib, lakin qardaşı və digər qohumları hələ də İsrailin əsirliyindədir.