İsrail ordusunun artilleriyası şiə Hizbullah partiyasının silahlı qanadının döyüşçülərinin hücumlarına cavab olaraq Livanın sərhəd bölgələrini atəşə tutub.
“Al Mayadeen ” telekanalının verdiyi məlumata görə , Kfar Hammam və Raşaya əl-Fuxar yaşayış məntəqələri İsrail tərəfindən atəşə tutulub, burada bir neçə ev dağılıb və insan tələfatı olub. Bundan əvvəl İsrail Hərbi Hava Qüvvələrinə məxsus pilotsuz uçan aparat Tire yaxınlığındakı magistral yolda avtomobili vurub və nəticədə şiə silahlılarının iki üzvü həlak olub.
Hizbullah öz Telegram kanalında bildirib ki, o, Fələq-1 raketləri ilə Şəba təpələrindəki Zıbdindəki İsrail qoşunlarının komandanlıq və müşahidə məntəqəsinə və kazarmalarına zərbələr endirib. Məlumatda düşmən sıralarında ölən və yaralananların olduğu bildirilir.
BMT-nin Livandakı Müvəqqəti Qüvvələri (UNIFIL) komandanlığı Livan-İsrail sərhədində hərbi əməliyyatların daha da genişlənməsi təhlükəsi ilə bağlı xəbərdarlıq edib. “Biz bütün tərəfləri silahlarını yerə qoymağa və münaqişənin davamlı siyasi və diplomatik həllinə nail olmaq prosesinə başlamağa çağırırıq”, – sülhməramlıların bəyanatında deyilir.
(Tass)
