İsrail anlayır ki, Fələstin prezidenti Mahmud Abbas HƏMAS hərəkatına təsir edə bilməz. Bunu TASS-a İsrailin Rusiyadakı səfiri Aleksandr Ben Zvi Abbasın ABŞ dövlət katibi Antoni Blinkenlə apardığı son danışıqları şərh edərkən deyib.
“Mahmud Abbasın Qəzza zolağında baş verənlərə o qədər də təsiri yoxdur. O, 2007-ci ildən bəri 16 ildir orda olmayıb. Ediləcək yeganə şey sadəcə olaraq hər hansı gərginliyə yol verməməkdir”. O, müəyyən mənada faydalı ola bilər”.
“Amma mən daha ciddi şeylər barədə danışıqlar aparmaq barədə düşünmürəm. Çünki onunla nəyisə razılaşdırmaq mümkün olsa belə, HƏMAS buna qətiyyən məhəl qoymur. Mən burada bu mənada böyük irəliləyiş görmürəm”, – səfir əlavə edib. (Tass)