İsrail Hərbi Hava Qüvvələrinin qırıcıları günorta saatlarında Livan paytaxtının cənubunda şiə təşkilatı Hizbullahın ofislərinin yerləşdiyi bir neçə binaya raket zərbələri endirib.
TASS müxbirinin verdiyi məlumata görə, əvvəllər qalan sakinlərin təxliyə olunduğu Qobeyri, Ruveys, Haret-Horeik və El-Mreyc məhəllələrinə hava reydləri həyata keçirilib.
“Biz bir-birinin ardınca gələn çox güclü partlayışlar eşitdik”, – Hadasın cənub kənarında yerləşən bir şahid TASS-a bildirib. Onun sözlərinə görə, İsrailin hərbi hava qüvvələri və pilotsuz təyyarələri Beyrut səmasını tərk etmir. “Biz gözləyirik ki, daha bir basqın olacaq, İsrail komandanlığı bu barədə əhalini indicə xəbərdar etdi”, o vurğulayıb.
Ardıcıl üçüncü gündür ki, İsrail təyyarələri gündüzlər Beyruta hava basqıları həyata keçiriblər, onlar artıq cümə axşamı səhərdən şəhəri iki dəfə bombalayıblar.
