İsrailin hərbi kabineti Misirin Fələstin-İsrail münaqişəsinə dair təklif etdiyi sülh planını müzakirə etmək üçün bazar ertəsi axşam görüşməyi planlaşdırır. Bu barədə “The Wall Street Journal” (WSJ) İsrail rəsmilərinə istinadən məlumat yayıb.
Nəşrin qeyd edib ki, Misirin təklif etdiyi planın bəzi müddəaları, o cümlədən Fələstin HƏMAS hərəkatının nümayəndələrinin Qəzza zolağının keçid hökumətinə daxil ola bilməsi Təl-Əviv üçün qəbuledilməzdir. Qəzet Qəzzada girovların azad edilməsi üçün danışıqlarda İsrail tərəfində iştirak edən Gerşon Baskindən sitat gətirir: “Bu razılaşma HƏMAS-ın qələbəsi kimi görünür və israillilərin bununla razılaşacağını təsəvvür etmək mənim üçün çox çətindir”.
Daha əvvəl Reuters xəbər vermişdi ki, Misir Qəzzada zolağında radikallar tərəfindən saxlanılan çoxlu sayda girovların azad edilməsi müqabilində atəşkəsin nəzərdə tutulmasını nəzərdə tutan nizamlanma variantını təklif edib. Bu addım, agentliyin fikrincə, münaqişə tərəfləri arasında daha geniş sazişin bağlanmasına töhfə verməlidir. Bundan əlavə, bu, hazırda HƏMAS-ın nəzarətində olan anklavın rəhbərliyinin dəyişdirilməsinə gətirib çıxarmalıdır. Eyni zamanda, agentliyin qeyd etdiyi kimi, Qahirə Qəzzada seçkilərin keçirilməsini və HƏMAS-a tərəfdarlarının təqib olunmayacağına və ya məhkəmə qarşısına çıxarılmayacağına zəmanət verməyi təklif edib. (Tass)