Fələstin radikalları tərəfindən saxlanılan bütün girovlar azad edilənə qədər İsrail hərbçiləri Qəzza zolağından çıxmayacaq, ordu HƏMAS-a təzyiqləri davam etdirəcək və onlarla sonrakı bütün danışıqlar atəş altında aparılacaq. Bunu İsrailin müdafiə naziri Yoav Qalant Qəzza zolağına səfəri zamanı deyib.
“Biz bütün girovları qaytaracağımız vəziyyətə çatana qədər Qəzzanı tərk edə və müharibəni dayandıra bilmərik – və onların çoxu hələ də var”, – nazirin sözləri mətbuat tərəfindən yayılıb. (Tass)